Юуны өмнө яагаад энэхүү сургалтын төвийг байгуулахаар болсон шалтгаанаа хүргэе гэж бодож байна.

Би 2017 онд ХААИС ЭЗБС ийг нягтлан бодогч мэргэжлээр төгссөн. Тэгээд мэргэжлээрээ ажиллаж байсан хэдий ч хүүхэд байхаасаа л бизнесмен болох мөрөөдөлтэй байсан учир хүсэл мөрөөдөлдөө хөтлөгдөн бизнесийг илүү ихээр судлах суралцахыг хүссэн. Тиймээс 2019 онд Японд улсад магистрын зэргээр суралцах зорилго тээж Японд ирсэн.

 Хоёр жил хэлний сургуульд япон хэл сурч япон хэлний сургуулиасаа шууд бизнесийн сургуульд элсэж орно гэсэн зорилготой байсан хэдий ч харамсалтай нь тухайн зорилгоо биелүүлж чадаагүй. Шөнийн цагаар цагийн ажил хийж өдрөөр хичээлдээ явж тасралтгүй бэлдэж хичээсний үр дүнд богино хугацаанд япон хэлний JLPT n2, n1 түвшинд хүрч чадсан. Гэсэн хэдий ч японы 800 аад сургуулиас хэрхэн өөртөө, өөрийнхөө ирээдүйд тохирох сургуулиа сонгож олох, хэрхэн сургуулиудын мэдээллийг цуглуулах, хэрхэн судалгааны төлөвлөгөөгөө бичих, элсэлтийн материалуудаа хэрхэн бүрдүүлж, шалгалтууддаа яаж бэлдэх, хамгийн гол нь хэрхэн тэтгэлэгт хамрагдах гэх мэт маш олон асуултууд, асуудлуудтай тулгарсан. Шантралгүй өөрийгөө сайжруулангаа ВАСЭДАгийн коллежид 2-р курсээс нь элсэн орж дахин нэг жил бизнесийн талаар суралцангаа магистрын шалгалтандаа бэлдсэн. Тэгээд коллежоо төгсөөд эцэст нь японд ирсэн зорилготоо хүрч орхыг хүссэн Бизнесийн сургуульдаа орж чадсан. Хэдийгээр магистрт орж чадсан хэдий ч мэдээлэлгүй мөн мэдэхгүйгээсээ болоод орохоосоо өмнө маш их зардал, хөдөлмөр, цагийг зарцуулсан. 

 Японд магистраар суралцах хүсэлтэй маш олон залуус байдаг хэдий ч мэдээлэл хомс, мөн хэрхэн магистрт элсэх талаар зөвлөгөө удирдамж өгөх газар ховор байдаг учраас тэд суралцах гэж ирсэн хэдий ч эцэст нь ажилчин болж аль эсвэл эх орон өөдөө буцаж байна. Ажил хөдөлмөр эрхлэх нь мэдээж буруу биш. Визний хугацаа тулгамдах, өөрийн болон ар гэрийн санхүүгийн нөхцөл байдал гэх мэт маш олон шалтгаан байгаа. Гэсэн хэдий ч бид өөрийн зорилгоосоо ухарч, урт хугацаандаа илүү их өгөөжтэй сурч боловсрох, академик чадвар эзэмших гэсэн сонголтоосоо татгалцаж болохгүй. Японы их сургууль дахь магистрын 2 жил таны үлдсэн амьдралыг илүү гэгээлэг болгож өөрчлөх боломжтой. Тиймээс бид олон олон залууст хамгийн бага зардлаар магистрт элсэж японы боловсролын систем, институтээс суралцаж, япон орон болон өөрийн эх орондоо　хэрэгтэй чадварлаг боловсон хүчин болоход нь туслахыг зорьж ажиллаж байна.